Laugarren jardunaldia izan arren, joan den igandean gure seniorrek bigarren itzuliari hasiera eman zioten. Kanpoko taldeak inspiratuta hasi zuen partida, puntuak erraz saskiratuz. Minutuek aurrera egin ahala, gureek defentsa-puntu egokia aurkitu zuten, eta horri esker kontraerasoak egin ahal izan genituen. 18-11 lehen 10 minutuen ostean. Bigarren laurdenean defentsa mantendu egin zen, baina hainbat jaurtiketa erraz huts egitearen ondorioz, gureak ezin izan ziren markagailuan gorago joan (30-15 atsedenaldian).

Atsedenaldiaren osteko itzulera zerbitzari batek aspaldian ikusi duen gauzarik txarrena izan zen. 4-1eko partziala 10 minutu hauetan. Egindako defentsa-lanarekin geratuko gara. Azken laurdenean taldeak kanpoko jaurtiketetan asmatu eta 46-17ko emaitzarekin bukatu zuen norgehiagoka.

Lan ona, batez ere defentsan, denboraldi arraro honetan hazten jarraitzeko aukera ematen diguna.