Berriro lehiatzen hasten ginen 4 astez partidarik gabe egon ondoren. Etxean Iraurgi hartu genuen A1erako txartela jokatzeko.

Lehen laurdena oso kontzentratuak hasi genuen, ideiak argi, zelai guztian zehar defendatuz eta erritmo bizian jokatuz. Hala ere, saskiratze errazak huts egin genituen eta Iraurgik jokoa baretzea lortu zuen. Talde bakar bat ere ez zen markagailuan abantailarekin bukatu. 12-12

Bigarren laurdenak dinamika bera jarraitu zuen, baina oraingoan Iraurgik gure defentsa-akatsak zigortu zituen eta erasoan asmatu egin zuen 7 puntuko errenta lortzeko, hutsartea eskatzera behartuz. Eskerrak azken bi minutuetan 7-0eko partzialari esker markagailua berdindu genuela. 26-26

Hirugarren laurdenean, askatutako jaurtiketetan huts egiten jarraitu genuen, eta ez genuen arintasunik aurkitu erasoan. Azkarrago jokatzen saiatu ginen, baina ez ziguten utzi. Iraurgik bere partidako gidoiarekin jarraitu zuen eta markagailua berdinduta mantendu zuen laurden osoan zehar. 37-36

Azken laurdenean erabakiko zen dena. Erasoan trabatuta jarraitu genuen, baina defentsan lerro defentsiboak igo genituen. 5 minuturen faltan, espero genuen unea iritsi zen, partida osoan zehar defentsan erakutsitako intentsitateak fruituak eman zituen eta 10-0eko partzial bat kateatzea lortu genuen. Azken emaitza: 54-44

A1erako sailkatzea eta lehen faseko helburua beteta, meritu handia, Euskal Liga Junior mailan esperientzia gutxi duen talde berritua baitu.

1,2,3 ANTZARRAK!

CRACK-AK

Nahia, Judith eta Ane: 3 urtez jarraian A1ean, urte hauetako lanaren saria

DANDY-A

Nahia G: lau hiruko sartu zituen partidako une erabakigarrietan.

GOGORRENA:

Ane G: partida irauli zuen defentsatik eta haize freskoa eman zion taldeari gehien behar zuenean

A ZER EGUNA

Izaro L: erlojuarekin izandako arazo baten ondorioz, 30 minutu berandu iritsi zen berotzera, beste berri bat oparituko diogu.

EGUNEKO EZUSTEKOA

Maria Conejero: taldea animatzeko agertu zen, faltan botatzen genuen bezala. Batek daki berriro ikusiko ote duten prest ….